Ĉiuj membroj de REU estas invitataj partopreni en la jubilea 30-a Raporta reelekta Konferenco de Rusia Esperantista Unio, kiu okazos 17-an – 18-an de julio enkadre de Tiĥvinaj Esperanto Metiejoj — 2019 apud urbo Tiĥvin!

Ĉiujn partoprenontojn ni petas registriĝi per la aliĝilo al la Konferenco. Bonvolu registriĝi ĝis la 5-a de julio. La organizantoj bezonas scii kvanton de la partoprenontoj por bone prepari la Konferencon.

Ni esperas, ke eblos organizi ankaŭ distancan partoprenon per Skajpo. Se vi volas partopreni la Konferencon distance, bonvolu same registriĝi, sed nepre indiku en «notoj», ke vi partoprenos per Skajpo, kaj skribu vian skajp-nomon kaj retpoŝtadreson.

Bonvolu sendi viajn proponojn por la tagordo de la Konferenco al la komuna adreso de la organiza komitato — konferenco@reu.ru. Krome, vi povas skribi la proponojn en la VK-grupo de REU en la koncerna «pridiskuto»: https://vk.com/topic-163508701_39509590

La dokumentojn por la Konferenco kaj rezultojn de ĝi vi povos vidi en tiu ĉi paĝaro en la rubriko «Dokumentoj» / «REU» / «RRK-30».

La proponata tagordo: http://reu.ru/paghoj/RRK-30-tagordo.html