Dato: 12.12.2022

Voĉdonado: reta.

Voĉdonis: A. Lebedev, S. Smetanina, N. Gudskov, I. Gonĉarova, A. Mitin, A. Junusov.

Temo:
Nomumo de la Esperantisto de la jaro 2022 laŭ la versio de REU.

Diskutprocezo:

• La 18-an de novembro Aleksandr Lebedev atentigis la Estraron pri proksimiĝo de la jarfino kaj pri neceso elekti Esperantiston de la jaro 2022 laŭ la versio de REU. Por proponi kandidatojn estis difinita tempo — ĝis fino de novembro.
• Laŭ la koncerna regularo, «kandidatojn nomumas membroj de la Estraro surbaze de siaj impresoj pri iliaj atingoj aŭ/kaj atentante opiniojn de la rusia esperantistaro.» Aleksandr Lebedev kandidatigis por la honortitolo esperantistinon el Samara Jelena Kuznecova — pro la plej aktiva en la lando organizado de Esperanto-renkontiĝoj, jam dum du jaroj sinsekve, kaj vigligo de Esperanto-vivo en Volgia regiono.
• Ekster la Estraro, en la dissendolisto «Rusia Esperanto-agado» aperis proponoj pri du aliaj personoj. Unu el tiuj, Tatjana Loskutova el Ivanovo (proponita de Mikaelo Bronŝtejn) estis konsiderita kiel same bona kandidato — pro la aktiva instruado, reta aktivado kaj loka agado en la urbo. Do, Nikolao Gudskov kandidatigis Tatjana Loskutova por la honortitolo.
• Rezulte, fine de la kandidatiga fazo, la Estraro havis du kandidatojn — Jelena Kuznecova kaj Tatjana Loskutova — pri kiuj okazis voĉdonado ekde la 3-a ĝis la 12-a de decembro.
• Plejparto de la estraranoj spertis fortajn hezitojn, tamen fine kliniĝis al la decido elekti Jelena-n kiel «Esperantisto de la jaro» kaj rezervi Tatjana-n kiel perferktan kandidaton por la honortitolo «Esperanto-instruisto de la lernojaro», aljuĝata fine ne lernojaro, junie.

Rezultoj de la voĉdonado pri «Esperantisto de la jaro 2022»:

• por Jelena: 5 (kaj Tatjana-n konsideri por posta «Esperanto-instruisto de la lernojaro 2022–2023»);
• por Tatjana: 0;
• kontraŭ ĉiuj: 0;
• sin detenis: 1.

Decido:

Proklami Jelena Kuznecova el la urbo Samara Esperantisto de la jaro 2022 laŭ la versio de REU pro la plej aktiva en la lando organizado de Esperanto-renkontiĝoj dum du lastaj jaroj kaj vigligo de Esperanto-vivo en Volgia regiono.

Prezidanto de REU: A. Lebedev.