Bonvenon al Samara!

Ĉu antaŭlonge vi vizitis Volgion?

Ĉi-aŭtune samaraj esperantistoj denove invitas ĉiujn dezirantojn, sendepende de loĝloko, al la bordoj de nia ŝatata rivero por gaje kaj utile pasigi novembrajn ripoztagojn dum VER-16 (Volgia Esperanto-renkontiĝo). Vi povos ekscii multe da interesaj faktoj pri volgaj regionoj lige kun Esperanto, renkonti malnovajn kaj konatiĝi kun novaj amikoj, partopreni en Samara muzea nokto kaj, certe, praktiki Esperanton.

Datoj:la 2-a – 4-a de novembro 2019.

Loko: urbo Samara, hoteleto «Time» («Tempo»), strato 3-ja Proseka, domo 63. Kvaretaĝa aparte situanta domo sen lifto.
En la hoteleto estas strikte malpermesata uzo de alkoholo kaj fumado. Fotojn eblas vidi ĉi tie: http://www.time163.ru.

Atingebloj: de la fervoja stacidomo prenu la buson numero 50, de la busa stacio funkcias mikrobuso numero 21. La haltejo nomiĝas «DK Sovremennik».

Prezoj por loĝado:
350 ₽/persono/nokto en 10-lita ĉambro;
1000 ₽/persono/nokto en la ĉambro kun 3 dormolokoj;
1300 ₽/persono/nokto en la ĉambro kun 2 dormolokoj.

Manĝado:
memstare en la kafejo (en la sama domo), apudas loka manĝejo je 10-minuta distanco de pieda promeno.

Programo antaŭvidas diversajn prelegojn, viziton de la urbo «Samara en literaturo kaj filmoj», E-kurseton por novuloj kaj trejnadon por progresantoj, vesperajn ludojn, partoprenon en la Samara Arta Nokto, koncertojn, diskutrondon kaj multon alian, kio dependas ne nur de mastroj, sed ankaŭ de gastoj.

Aliĝkotizo: 300 ₽. Por REU-membroj estas 100-rubla rabato. Infanoj ĝis 16-jara aĝo la kotizon ne pagas.

Viaj aliĝiloj kaj kotizoj estas atendataj al la 31-a de oktobro 2019.

Bonvolu sendi la monon al la sberbanka karto 2202 2004 4202 3485 (Olga Miĥajlovna A.)

Aliĝilojn bonvolu sendi al Elena Kuznecova:
espersam@yandex.ru,
telefonnumero +7 996 732 3346.
Ĉiujn demandojn kaj klarigojn bonvolu ricevi de ŝi.
Aliĝiloj, plenigitaj ĉi tie en la paĝaro, estos plusenditaj al Elena.

Sendante vian aliĝilon, menciu, kiujn temojn vi emus pridiskuti dum la aranĝo.

Bonvenon al VER-16!