Kara Samideano!
Jen informo pri nia vica aŭtuna renkontiĝo en
Soĉi.
BONVENON!Tagoj de Internacia Lingvo Esperanto en
Soĉi
REU kaj E-klubo de Soĉi invitas vin al informa kaj movada
aranĝo
TAGOJ DE INTERNACIA LINGVO ESPERANTO (TILE-6)
Datoj:
29.10-04.11.2010 (vendredo-ĵaŭdo)
Ĉu vi volas daŭrigi E-someron? Bonvenon al
Soĉi! Suda aŭtuno estas milda, la maro ankoraŭ varma, la urbo estas daŭre
plena de allogaĵoj, kaj la prezoj estas jam tre moderaj.
La aranĝo
konsistos el du ĉefaj flankoj:
- ekstera informado - ni provos atentigi pri
E-o la publikon kaj amaskomunikilojn.
- movada agado - okazos kunvenoj pri
regiona E-agado, aktivulaj kunvenoj, rondaj tabloj kaj seminario pri
ekspresa E-instruado.
Enkadre de la aranĝo okazos prezento de novaj
Esperantaj libroj,
vizito al Arbo de Amikeco, orgena koncerto, prelego pri
pieda turismo en la ĉemara regiono de Kaŭkazio. Vizito de lokoj kie en 2014
okazos Vintraj Olimpikaj Ludoj, supreniro al monto Aibga (2238 metroj alta
apud limo kun Abĥazio, maraj ekskursoj, sunbruniĝo sur la plaĝo (la
temperaturo de la mara akvo kaj de aero egalas: + 18° Celsio). Ne forgesu
bankostumojn!
Antaŭ la partoprenontoj koncertos muzika grupo de la soĉia
E-klubo.
Ĉiu partoprenanto povas prezenti siajn programerojn. La plej
aktivaj estos premiataj.
Paralele kun la aranĝo okazos rapidkursoj por
soĉianoj kaj gastoj de la urbo.
Estas planate organizi ekspozicion en la
Kulturdomo: pri "Praktika utiligado de E-to". Viaj ekspoziciaĵoj bonvenas:
fotoj, suveniroj, gazetartikoloj k.t.p., pri kontaktoj kun alinacianoj, ĝemelurbaj rilatoj, partopreno en Internaciaj aranĝoj ktp.
Ĉiuj gastoj
estas petataj informi la organizantojn pri la dato, tempo kaj transporto de
la veno. Ni renkontos vin!
!!!
Venantoj unue registriĝu kaj ricevu
enloĝigan karton en la Kulturdomo - str. GORKOGO, 85, RDK (Rajonnij Dom
Kulturi),
tuj post la Busa Stacio, kontraŭ milicejo, duetaĝa domo.
La
29-an de oktobro tie de la 8.00 deĵoros esperantisto.
La loĝloko (hotelo
"Cirko", str. Deputatskaja, 9 per busoj kaj mikrobusoj ĝis haltejo
"Svetlana" N-roj: 1, 22,23, 83, 95 KAJ ALIAJ direkte al Stadiono.
La
loĝkostoj:1) en 4 - 6 lita ĉambro 250 rub. por unu persono dum unu nokto
(oportunaĵoj en koridoro);
2) en 3 - 4 lita ĉambro kun lavabo -350 rubloj unu
loko dum unu nokto;
3) en 2-lita ĉambro kun T.V. - 400 rubloj por unu
loko;
4) 2-lita kun oportunaĵoj -1200 rubloj por tuta ĉambro;
5) Duonlukso
2-lita - 2400 rubloj por tuta ĉambro;
La maro tre proksimas.
Nutrado en apuda manĝejo memstare.
Dezirantoj povos plilongigi sian restadon ĝis printempo.
Utilaj adresoj:
Reta: bespalov_sochi
@mail.ru
Telefonoj: Vladimir
Bespalov: hejma: 8622/ 62-13-47, portebla: +7-918-005-33-68;
Natalia
Olejnikova portebla: +7-988-281-18-46
Tatjana Davidova
portebla: +7-918-203-46-09
Poŝta adreso: Esperanto-klubo
"Laro",
354000 Sochi, abonkesto 913.
Adreso de Kulturdomo:
str. Gorkogo, 85 apud stacidomo kaj busa stacio.
Ĉielismo (Wang Tianyi). Esperanto-movado hodiaŭ en Ĉinio (Biblioteko, 2024-03-28)
Novaĵoj
Kalendaro
Pri REU
Kluboj kaj grupoj
Dokumentoj
Biblioteko
REGo
Kontaktoj
Membriĝu!
Persona spaco