Novaĵoj: Zoom-renkontiĝo la 2-an de decembro!

Kalendaro: TEMoj-2024, RET-2024...

Pri REU

Kluboj kaj grupoj

Dokumentoj

Biblioteko

Kolekto
de A. Sidorov

REGo

Kontaktoj

Membriĝu!

Persona spaco

RA-15 okazos! Ni invitas vin al nekredeble unika sala lago: ĝi situas tre proksime al la Kazaĥa limo kaj pro tio klimato estas tre varma, seka kaj ĝojiga. Ni banos nin, amuziĝos kaj ludos dum la tuta semajno. Ni manĝos bongustegajn lokajn akvamelonojn kaj promenos multe. Dum la aranĝo ni ekskursos kaj vidos pitoreskajn ĉirkaŭaĵojn. Bonvenon!

Loko:

Jarovoje (Altaja regiono)

Pli detale:

Datoj 03.08 - 11.08.2021

Pli proksime al la datoj ni vidu per kiu trajno aŭ buso estos pli oportune veni.

Aliĝkotizo:

Ĝis la 1-a de majo: 1000 rub (por infanoj - 500₽)

Ĝis la 1-a de julio: 1200 rub (por infanoj - 600₽)

Poste: 1500 rub (por infanoj - 750₽)

Aliĝkotizo inkluzivas RA- ĉemizon.

Aliĝkotizon sendu per al +7-913-921-94-98, Katerina, Sberbank

Loĝado:

2-lita ĉambro – 1500₽ por la ĉambro (tagnokto) (750₽ persone)

3-lita ĉambro – 2100₽ por la ĉambro (tagnokto) (700₽ persone)

4-lita ĉambro – 2600₽ por la ĉambro (tagnokto) (650₽ persone)

Kvanto da lokoj estas limigita. Bonvolu ne prokrasti.

Ĉiu loĝ-loko havas malgrandan kuirejon: en ĝi estas forno, fridujo, tableto kaj seĝoj. Do kuiri oni povas memstare. En la urbo estas vendejoj kaj merketoj. Alia ebleco – kafejo je du paŝoj de nia bazejo. Prezoj ne tro multekostaj. Ankaŭ oni povas aĉeti fumaĵitan fiŝon ĉe lokanoj. Duŝejoj kaj necesejoj estas ekstere.

Plaĝumado:

La lago estas ege sala – bone ke vi havu kun vi botelon da akvo por lavi manojn aŭ okulojn post naĝado. Tutcerte ekzistas akvo apud la plaĝo por lavi piedojn aŭ vi povas eĉ duŝi vin, sed kontraŭ aparta mono.

Ĉiu persono povas havi specialan karton, kien oni metas monon kaj poste, uzante tiun karton, oni povas pagi kontraŭ kafejojn, necesejojn, duŝejojn sur la plaĝo. Tre oportune laŭ mi.

RA-programo:

Estas planataj kursoj, e-ludoj kaj ekskursoj. Mi atendas kontribuaĵojn de la partoprenantoj.