Ĉiuj membroj de REU estas invitataj partopreni en la 31-a Konferenco de Rusia Esperantista Unio, kiu okazos la 21-an – 22-an de aŭgusto enkadre de RET-2021 apud urbo Maĥaĉkala!

La Konferenco pasos en miksita ĉeesta-distanca formo. REU-anoj, partoprenantaj en RET, kunvenos ĉeeste, kaj tiuj, kiuj ne povos veni al RET, konektiĝos per Zoom.

Partoprenontojn ni petas registriĝi per la aliĝilo al la Konferenco: http://reu.ru/kalendaro/alighilo/Konferenco-31/. La organizantoj bezonas scii kvanton de la partoprenontoj por bone prepari la Konferencon.

Se vi planas partopreni la Konferencon distance, bonvolu nepre registriĝi, indiki en la aliĝilo vian retpoŝtadreson kaj skribi en «notoj», ke vi partoprenos distance. Eniri virtualan Zoom-ĉambron povos nur REU-membroj, ĉar por okazigi voĉdonadojn en Zoom necesas ke tiuj, kiuj konektiĝos, havu voĉdonrajton. Ĉiu distanca partoprenanto devas konektiĝi aparte. T. e. ne eblas, ke du REU-membroj sidu kaj voĉdonu antaŭ unu komputilo, ĉar dum voĉdonoj kalkulado de voĉoj okazos per zoom, kaj zoom kalkulos tion kiel unu voĉon sed ne kiel du.

Bonvolu sendi viajn proponojn por la tagordo de la Konferenco. Vi povas skribi ilin en la aliĝilo (uzu la kampon «Kontribuo al la programo» por viaj proponoj por la tagordo) aŭ sendi al la adreso de la Estraro — estraro@reu.ru.