REU.RU: Kalendaro

Kalendaro

aktuala kalendaro listo de pasintaj eventoj

2008

Februaro

EoLA-20
Esperanto - Lingvo Arta
2008-02-20/25

Informletero No 2

La aranĝo okazas en la bazejo Ĉajka, en la loko kiu jam gastigis dufoje la festivalon EoLA en 1993 kaj 2002. La bazejo situas en la ekologie pura sanatoria kuraczono en ĉirkaŭx 1 kilometro de Volga je 7 km de Ĉeboksari.

Baza aliĝkotizo - 300 rub.
Por la portempaj partoprenantoj - 1-taga kotizo: 75 rub.

Rabatoj (validas nur por plena kotizo):

50 rub – por REU-membroj, membroj de JEAĈR,
100 rub – samfamilianoj, lernejanoj,
Senpage – infanoj ĝis 12 jaroj

Loĝado (por 1 tagnokto):

– 200 rubloj (kun propraj littolaĵoj – 180 rubloj).

Manĝado

Plena 3 –foja manĝo kostas: 200 rubloj.

Eblas elekti apartajn manĝojn.
50 rub – matenmanĝo
90 rub – tagmanxo
70 rub – vespermanĝo

Estas planata ankaŭ senvianda manĝo.

Programo

GRAVE! La tema programo komenciĝos la 22-an de februaro kaj finiĝos la 24-an antaŭnoktomeze. 20-21-an okazos nur persona turisma programo por foraj gastoj. La 25-an okazos komuna turisma programo: inkluzive de kolektiva naĝado en baseno, rajdado per ĉevaloj ks.

Inter la programeroj estas planataj: koncertoj, teatra vespero, sporta maratono, internacia balo, kvizoj pri kulturoj kaj lingvoj, barda kafejo, hinda teumado, ekskurso tra Ĉeboksari, naĝado en naĝejo “Volĵanka” (kunprenu bankostumojn!), ĉevalrajdado, koncerto de la majstro ludanta en pluraj antikvaj ĉuvŝaj muzikiloj, fotokonkurso, korusa kantado, diversaj metiejoj (danca, pentrarta, teatra, manfaraĵa kaj aliaj).

En la Festivalo oni planas dividiĝi je laborgrupoj, kiuj preparos naciajn legendojn, fabelojn, popolajn saĝojn, parabolojn ks.

Por la Internacia Balo oni invitas reprezentantojn de diversaj popoloj kunporti naciajn vestojn au ties kelkajn elementojn.

Viaj ideoj, sinproponoj por grupgvidado, surscenaj prezentoj k.a. estas bonvenaj ĉe la ardeso: eola ĈE reu.ru kun la temlinio: programo

Pro la aktiva partopreno estas antaŭvidataj partaj repagoj.

Kiel atingi la bazejon

Se vi venis al Ĉeboksari por atingi la bazejon vi devas
De la fervoja stacidomo: rekte iri per la itinera buso (ĉiu 30 minutoj) 112 ĝis la bazejo Volĵanka (de tie eblas atingi nian bazejon perpiede dum kelkaj minutoj); aŭ prenu la trolebuson No12 aŭ 14, aŭ la itinerajn busojn 31, 32, 35, 40, 61, 59, 41, 44, 50 kaj iru ĝis la haltejo “Roŝĉa” aŭ ”busstacio “Novoje selo” (Novoje Illarionovo). Tie vi devas preni la buson 106, 122, 120, 265, 271 kaj iri ĝis Ĉajka
De la ĉefa busstacio: sub-transiru la fervojan linion kaj iru al la haltejo ĉe la fervoja stacio kaj de tie sekvu la supremenciiajn indikojn.

Se vi venas direkte de Niĵnij Novgorod – vi ne bezonas enventuri la urbon. Post la vilaĝo Hirkasi (kiu estas je 10 – 12 km antaŭ Ĉeboksari), kie estas la vojmilica kontrolpunkto vi veturos laŭ la maldekstra vojo ĝis la bazejo Ĉajka (ĉirkaŭ 3 km)

Organiza teamo:

Ĝenerala kunordigo – Aleksandr Blinov tel. (+79023280027), Andrej Grigorjevskij (+79278498325)

Tema programo: Aleksandra Fedotova (+79023283722), Irina Romanova (+79278467911)

Teknika parto: Dima Semjonov (+79276676320)

Aliĝado, loĝado, manĝado: Alla Jermilova (+79196727327), Nadja Nikitina (+79603070510)

Bonvolu sendi viajn aliĝilojn kaj ajnajn demandojn al la adreso: eolaĈEreu.ru

GRAVE: INFOMRU PRI VIA PARTOPRENO PLEJ MALFRUE LA 15AN DE FEBRUARO

Aliĝintoj (68)