ATENTON! Datoj ŝanĝigas al 14-16.03.2013!
Venu al “Apero-8”!
Karaj esperanto-samideanoj!
Moskva Esperanto-Asocio “MASI” kore invitas ĉiujn E-parolemulojn al sia tradicia renkontiĝo APERO-8! Ĝi pasos dum la februaraj festoj, la 14-16.03.2013, en la apudmoskva bien-ripozejo “Jerŝovo”.
Kvankam la aranĝo estas strikte malkrokodila, ni kuraĝe invitas ankaŭ komencantojn kaj progresantojn, kiuj emas evolui sian E-paroladon kaj sekvi la Lingvan Disciplinon.
Pli detale pri la invitatoj kaj kutimaĵoj eblas legi en la MASI-paĝaro
http://ek-masi.weebly.com
aŭ en la VKontakte-grupo “APERO”
[http://vk.com/apero_ek_masi
];
Ni ĉiuj loĝos en la por multaj jam konata aparta dometo №5, kun granda salono, kie pasos la komunaj endomaj aranĝoj. Ĉar la dometo situas en pitoreska naturo kaj la ripozejo disponigas diversajn distraĵojn, ni multe amuziĝos ankaŭ eksterdome.
La plentempa partopreno kostas ĉ. 3900 rublojn (la ĝusta kosto aperos dum la semajno),
kio inkluzivas loĝadon en 2-3-lokaj ĉambroj kun 2 tranoktoj,
3-fojan abundegan kaj varian manĝadon dumtage, aliĝ- kaj programkotizojn.
Eblas resti tagon pli (por la 24-a de februaro, des pli, se tiun tagon oni anoncos nelabora) – necesas nur averti nin antaŭ la 20-a de januaro. Tiam al la prezo aldoniĝos 1500 rubloj. Se estos pli ol 10 homoj, masianoj volonte organizos programon ankaŭ por tiu kroma tago.
Gravas konscii, ke en nia dometo estas 33 litoj. Do, ni ne povos akcepti pli ol 44 homojn ;) Tial por garantiite ricevi la kuŝlokon, bonvolu tuj mendi ĝin kaj prefere jam pagi al mi unu dekonon de la monsumo – 400 rublojn. La monon transdonu persone al Mirina aŭ Klera aŭ sendu al la sberbanka karto de Klera: 4276380025172953 - kun la mencio de la sendinto kaj сelo de la ĝiro.
Ni ne toleros iun ajn krokodiladon en la dometo, tamen, por ebligi partoprenon de familianoj, ni pretas lui kuŝlokojn en apuda dometo por esperantistoj, venontaj kun infanoj aŭ geedzoj, neparolantaj Esperanton. La familianoj povos bonege ripozi, dum esperantistoj de la familio partoprenos la E-programon.
La cefa temo de la APERO estas LITERATURO,
tamen ankau aliaj kontribuoj al la prgramo estos arde akceptataj!
Por aliĝi simple anoncu vin al mi – kaj ni kun ĉiu persone traktos detalojn. Kvankam baldaŭ en la VK-grupo de APERO aperos :) elektronika aliĝilo.
Kore atendanta vin -
Irina Gonĉarova,
konordiganto de MEA MASI
Novaĵoj
Kalendaro
Pri REU
Kluboj kaj grupoj
Dokumentoj
Biblioteko
REGo
Kontaktoj
Membriĝu!
Persona spaco