Kara gasto, ĉu vi ŝatus ensaluti aŭ registriĝi?
Regularo pri membreco kaj kotizoj en REU – 2024
Esperantaj kanaloj kaj grupoj en Telegramo.
Libroj en Esperanto, pri Esperanto, por esperantistoj, krokodiloj kaj aliuloj
historio.ru - Historio de rusia E-movado
Multlingva Informa Reta Centro
Retaj jarkolektoj (skanaĵoj) de la plej gravaj fruaj E-gazetoj
Novaĵoj
Kalendaro
Pri REU
Kluboj kaj grupoj
Dokumentoj
Biblioteko
REGo
Kontaktoj
Membriĝu!
Persona spaco2009-04-06Sukcese okazis Lingvaj Festivaloj en Uljanovsk (jam la 7-a, la 28-an de marto) kaj en Peterburgo (la 3-a, la 5-an de aprilo). Sekvas raporto de Slavik Ivanov pri la peterburga festivalo. La raporto aperis en e-rus-info.
Do, la Tria Peterburga Lingva Festivalo okazis plensukcese. Eblas konstati, ke en la vico de la tri festivaloj ĝi estis la plej amasa, la plej bela kaj la plej sukcesa.
Grave kontribuis al ĝia sukceso aktiva partopreno de la gastiganta
institucio, la Neva Instituto de Lingvo kaj Kulturo -- http://niyak.spb.ru
Ili provizis al ni tion, kio ĉiam mankas por amasaj eventon en Peterburgo, -- la manojn. Dekduo da studentoj plentempe deĵoris en la ĉambroj kaj ĉe la registrejo.
En la festivalo okazis kvar prezentoj de Esperanto -- tri laŭ plano (de Anatolo Krasnokutskij kaj Vjaĉeslav Ivanov) kaj unu, laŭ la konsilo de Dennis Keefe, anstataŭ la neokazinta prezento (niakaze de la ĉina). Esperanto havis neordinare grandan atenton, multaj homoj mencias ĝin en enketiloj, petis detalajn informojn, retadresojn ktp. Kelkajn lernolibrojn de Esperanto ricevis lingvemuloj, gajnintaj en la lingva konkurado dum la solena fermo.
Nome de la Rusia Esperantista Unio ni prezentis dulingvan dankpaperon al la Institucio kaj la apartan persone al s-ino Arĥipova, kiu plej multe umis pri la preparo de la festivalo en la Instituto kaj eĉ elpensis novan formon de "angla gastĉambro" -- plentempe funkciinta "lingva teritorio" de la angla, kie, kontraste al tradiciaj lingvaj teritorioj, oni teumis, spektis filmojn ktp.
Impresojn de la partoprenintoj eblas legi ĉe http://festivalo.ru/2009/fino.html
Vjaĉeslav Ivanov,
Peterburgo
Pli detale: festivalo.ru/2009/