Atentindaj paĝoj

Regularo pri membreco kaj kotizoj en REU

Pagmanieroj

Statuto de REU

Ligiloj

Libroj en Esperanto, pri Esperanto, por esperantistoj, krokodiloj kaj aliuloj

Vortaroj de Boris Kondratjev

historio.ru - Historio de rusia E-movado

Ural-Siberia E-Movado

Koresponda Servo Universala

Kantaro-Vikio

Multlingva Informa Reta Centro

Retaj jarkolektoj (skanaĵoj) de la plej gravaj fruaj E-gazetoj

Dokumentoj

1. Ĉefaj principoj

• 1.1.  La Fonduso “Kluba Ranglisto” (plue — la Fonduso) estas establita de la Estraro de REU la 27-an de marto 2003.
• 1.2.  Celo de la Fonduso — stimuli la aktivigon de la agado de rusiaj E-kluboj kaj aliaj E-kolektivoj per monpremioj laŭ rezultoj de la ĉiujare kompilata Kluba Ranglisto.
• 1.3.  La Fonduso estas prizorgata de la REU-Komisiito pri Kluba Ranglisto (plue — Komisiito), elektata de la Konferenco aŭ la Estraro de REU.

2. Kolektado de mono por la Fonduso

• 2.1.  La monan bonhavon de la Fonduso konsistigas:
  • – libervolaj mondonacoj de esperantistoj kaj subtenantoj;
  • – libervolaj kotizoj de E-organizaĵoj: REU, REJM k.a.;
  • – aliaj monaj enspezoj, kiuj ne estas kontraŭleĝaj kaj ne postulas iujn devojn flanke de la Fonduso.
• 2.2.  Listo de kontribuintoj estas regule publikigata en la organo de REU kaj laŭeble en aliaj rusiaj E-periodaĵoj. La plej malavaraj el ili ricevas honorigojn de REU.
• 2.3.  La akumulita monsumo ne povas esti investata aŭ pruntedonata ĉu por profitaj celoj, ĉu por aliaj.
• 2.4.  La enspezojn kaj elspezojn kontrolas la Estraro kaj la Kontrol-revizia Komisiono de REU. Raporton pri la bilanco povas peti iu ajn rusia E-organizaĵo aŭ membro de REU.

3. Elpago de monpremioj

• 3.1.  La Estraro de REU laŭ la raporto de la Komisiito decidas, kiu parto de la akumulita sumo (ne malpli ol 75%) estos distribuata.
• 3.2.  Inter la partoprenintoj en la Kluba Ranglisto la distribuata sumo dividiĝas jene:
  • 1-a loko — 40%;
  • 2-a loko — 30%;
  • 3-a loko — 20%;
  • 3-a de la fino — 10%
  (se partoprenas malpli ol 6 kluboj, la distribuo devas esti: 1-a loko — 50%, 2-a  — 30%, 3-a — 20%).
• 3.3.  Ĉiujn disputajn demandojn la Komisiito transdonas al la Estraro de REU.

4. Transdono de respondeco kaj likvido de la Fonduso

• 4.1.  Kaze de reelekto, la malnova Komisiito transdonas detalan raporton pri la bilanco al la Estraro de REU kaj la nova Komisiito.
• 4.2.  La Fonduson povas likvidi la Konferenco de REU, se la agado de la Fonduso iĝis ne konforma al la deklarita celo, aŭ agado de la Fonduso ne estas kontentiga.
• 4.3.  Decido pri likvido de la Fonduso devas esti publikigita la organo de REU kaj laŭeble en aliaj rusiaj E-periodaĵoj, kaj sciigita al aktivaj kontribuantoj.
• 4.4.  La restinta monsumo transiras al la kaso de REU. La fina raporto de la Komisiito devas esti nepre prezentita al la Estraro de REU.