Kara gasto, ĉu vi ŝatus ensaluti aŭ registriĝi?
Ĉielismo (Wang Tianyi). Esperanto-movado hodiaŭ en Ĉinio (Biblioteko, 2024-03-28)
Esperantaj kanaloj kaj grupoj en Telegramo.
Libroj en Esperanto, pri Esperanto, por esperantistoj, krokodiloj kaj aliuloj
historio.ru - Historio de rusia E-movado
Multlingva Informa Reta Centro
Retaj jarkolektoj (skanaĵoj) de la plej gravaj fruaj E-gazetoj
Bonvolu ensaluti por voĉdoni kaj komenti
Jefim Zajdman (Jalta, Ukrainio) rakontas:
Komence de la 2010-a jaro ni pendigis 100 imponajn afiŝojn pri renkontiĝo de la klubo kun jaltanoj cele varbi al nova E-kurso.
Dank' al la afiŝoj venis nur du homoj, tamen la tempo montris, ke ili estas valoraj por la klubo. Sed la 3-monatan kurson aliĝis 20 homoj, kiujn al la renkontiĝo invitis esperantistoj. Precipe tiuj 17 esperantistoj, kiuj revenis el eksterlando post partopreno de JES en Pollando kaj posta vojago tra Eŭropo kaj gastado tie ĉe anoj de Pasporta servo. Ni veturigas la jaltanojn al novjaraj junularaj E-renkontiĝoj (antaŭe estis Ago-semajno en Pollando, Slovakio kaj IS en Germanio), ĉar ili estas ne multekostaj (ni dormas en amasejo) kaj kun senpaga ŝengena vizo.
Al la dua leciono venis 20, al la tria 40.
Instruas mi laŭ mia lernolibro, kompilita antaŭ multaj-multaj jaroj laŭ lernolibro "Praktika kurso de esperanto por angle parolantaj landoj". Certe dum longa tempo mi modernigis ĝin.
Instrui al 40 estis tre malfacile kaj ne efekte, ĉar eblis respondigi ilin nur ĥore, kaj malfacilis kontroli plenumon de hejmtaskoj. Tamen ĝis la fino restis 30. Al ili plaĉis, ke eblas interkonatiĝi, kanti. Dum la kurso ili amase partoprenis vojaĝon al Odeso, kie 1-3-an de aprilo okazis la festo "Jumorina". Ankaŭ ĉekluba teatra E-studio de miniaturoj helpis, ĉar iuj kursanoj partoprenis la miniaturojn. La leciono okazas dufoje semajne.
La ekzameno montris, ke nur malmultaj ekzameniĝis bone. Kaj nur 10 el tiuj 30 plu lernas: pli kapablajn instruas mi, aliajn Anĵela Belenko. El tiu kurso nur 6 partoprenos novjaran JES en Germanio.
En septembro mi komencis novan kurson por 16 homoj, precipe studentoj. El tiu kurso al JES veturos 5 kursanoj. Aliaj 19 (entute veturos 30) estas ne novaj esperantistoj.
Mi volas aldoni, ke al mi helpas nia ruslingva grupo por novuloj en vkontakte.ru "Золотой ключик общения". La kursanoj dank' al ĝi sentas sian apartenon al la klubo, kontaktas min se ion bezonas ktp.
Novaĵoj
Kalendaro
Pri REU
Kluboj kaj grupoj
Dokumentoj
Biblioteko
REGo
Kontaktoj
Membriĝu!
Persona spaco