Esperanto      По-русски StartoKalendaro
Kara gasto, ĉu vi ŝatus ensalutiregistriĝi?
VK REU en VK

Atentindaj paĝoj

Regularo pri membreco kaj kotizoj en REU – 2020

Pagmanieroj favore al REU

Ligiloj

Esperantaj kanaloj kaj grupoj en Telegramo.

Libroj en Esperanto, pri Esperanto, por esperantistoj, krokodiloj kaj aliuloj

Vortaroj de Boris Kondratjev

historio.ru - Historio de rusia E-movado

Ural-Siberia E-Movado

Koresponda Servo Universala

Kantaro-Vikio

Multlingva Informa Reta Centro

Retejo de UEA

Retaj jarkolektoj (skanaĵoj) de la plej gravaj fruaj E-gazetoj

Kalendaro

aktuala kalendaro     listo de pasintaj eventoj

2020

Majo




UtT-1
Urboj tra tempoj
2020-05-01/05

La aranĝo estas nuligita pro la kronvirusa epidemio!

Saluton, geamikoj!

MEA MASI kore invitas vin al la nova maja Esperanto-renkontiĝo «Urboj tra tempoj». Ĝi pasos de la 1-a ĝis la 5-a de majo 2020 en la urbo Penza.

La renkontiĝo estas dediĉita ĉefe al gravaj kulturaj eventoj, okazintaj en la urbo tra ĝia historio ekde la jaro 1887 — la jaro de naskiĝo de Esperanto. Ĉi-foje nia urbo estas Penza. La aranĝo estos ĉefe turisma kaj ripoza, Esperanta parto de la programo dependos de la aliĝintoj. Se nia nova renkontiĝo gajnos sufiĉe da entuziasmo, la partoprenontoj kune elektos alian urbon por la sekva jaro.

Vi estas bonvenaj!

Por kiu

Ni ĝojus vidi ajnajn esperantistojn, el ĉiuj regionoj kaj landoj, sed realeco sufloras, ke geografie plej oportunos partopreni por homoj el la regionoj Centra (kie nestas MEA MASI) kaj Volgia (al kiu apartenas Penza, kaj en Penza ja loĝas kelkaj MASIanoj!). Grave! Ĉar granda (eĉ ĉefa!) parto de la programo konsistos el ekskursoj kun ruslingvaj ekskursgvidantoj, ni akceptas ankaŭ familianojn de esperantistoj!

Kiam

Ekde la 1-a ĝis la 5-a de majo 2020.

Kie loĝi

Ni loĝos en tre komforta bela hostelo en la centro de la urbo — «Nice-hostel» (u. Penza, str. Sverdlova, 49). Ni rezervis du ĉambrojn po 8 litoj (viran kaj inan) kaj 2 — por paroj. Apud la ĉambroj estas multe da spaco por kunveni.

Kie manĝi

Kiel en ĉiuj hosteloj, ankaŭ en «Nice» estas kuirejo por memservo. Studenta manĝejo «Универ-58», kiu situas 10-minutan piediradon de nia hostelo, liveras bongustajn manĝojn kaj kompleksajn tagmanĝojn kontraŭ 250 r. Tamen plej ofte ni manĝos en la urbo — antaŭ aŭ post la ekskursoj.

<р2>Kie ekskursi

Ni piediros al: Domo de popola kreado (300 m), Penza zooparko (390 m), pentraĵgalerio K. A. Savickij (1,1 km), parko V. G. Belinskij (1,5 km), vizitos Muzeon de unu bildo G. V. Mjasnikov, Regeonografian muzeon, Muzeon de V. O. Kljuĉevskij, botanikan ĝardenon kaj skulptaĵparkon «Legendo».

Kio en la programo

Dum la tempo, libera de urbovizitoj, en nia hostelo pasos programo en Esperanto: prelegoj laŭ la temo de la renkontiĝo, konversaciaj rondoj, intelektaj kaj psikologiaj ludoj, poezia horo, tabloludado, «Homlupoj» kaj alio. Vespere ni nepre vizitos teatraĵojn aŭ filharmonion.

Kiom kaj kiel pagi

La loko en 8-lita ĉambro kostas 700 rbl diurne. Por viaj manĝoj vi mem pagos en manĝejoj. Biletoj por muzeoj kostas 100–150 rbl, por teatroj — 500–600 rbl.

Kiel aliĝi

Por aliĝi simple tuj skribu al Mirina. Tio multe gravas por rezervi ĝuste por vi la lokojn en la hostelo!

Kie informiĝi

En la VK-grupo https://vk.com/urbojtratempoj
Krome:
Telefonu kaj skribu al Mirina (Irina Gonĉarova):
+7 905 796 6199,
@gmail.com">mirinda.strigo@gmail.com,
https://vk.com/mirinda_strigo
kaj al Ilja (Penza):
@inbox.ru">gnusarev@inbox.ru,
https://vk.com/id558362403



aktuala kalendaro     listo de pasintaj eventoj

Supren

La paĝo estis montrita 473-foje


REU.RU, 2010
Programita kaj aspektigita de Andrej Grigorjevskij