Esperanto      По-русски StartoKalendaro
Kara gasto, ĉu vi ŝatus ensalutiregistriĝi?

Novaj kontribuoj

pdf Provizora regularo pri la fonduso de REU «Subteno de laboro pri la vortaro de B. Kondratjev»

pdf broshuro_por_ret.pdf

pdf Bulteno de REU Septembro 2017

Atentindaj paĝoj

Положение о членских взносах в 2016 году

Kotizoj por 2017

Lingva Festivalo: preparado kaj okazigo. Video-prelego de Aleksandr Blinov

Pagmanieroj favore al REU

Заплатить взнос в РоСЭ

Ligiloj

FORUMO: Pri Rusia Esperantista Unio

Libroj en Esperanto, pri Esperanto, por esperantistoj, krokodiloj kaj aliuloj

Vortaroj de Boris Kondratjev

historio.ru - Historio de rusia E-movado

Ural-Siberia E-Movado

Koresponda Servo Universala

Kantaro-Vikio

Multlingva Informa Reta Centro

Retejo de UEA

Kalendaro

aktuala kalendaro     listo de pasintaj eventoj

2006

Oktobro

TILE-2
Tagoj de Internacia Lingvo Esperanto
2006-10-27/29

REU kaj E-klubo de Soĉi invitas vin al informa kaj movada aranĝo

TAGOJ DE INTERNACIA LINGVO ESPERANTO (TILE-2) en Soĉi

Datoj: 27-29.10.2006 (vendredo-dimanĉo)

Ĉu vi volas daŭrigi E-someron? Bonvenon al Sochi! Suda aŭtuno estas milda, la maro ankoraŭ varma, la urbo estas daŭre plena de allogaĵoj, kaj la prezoj estas jam tre moderaj.

La aranĝo konsistos el du ĉefaj flankoj:

  • - ekstera informado - ni provos atentigi pri E-o la publikon kaj amaskomunikilojn.
  • - movada agado - okazos kunvenoj pri regiona E-agado, helpo pri organizo de RET-07 en Primorsko-Ahtarsk aŭguste-2007, aktivulaj kunvenoj, rondaj tabloj kaj seminario pri ekspresa E-instruado.

Enkadre de la aranĝo okazos enmanigo de premioj kaj diplomoj al infanoj, partoprenintaj konkurson de infandesegnaĵoj en Francio (pere de E-o), prezento de novaj libroj de Aleksandro Melnikov, vizito al Arbo de Amikeco, orgena koncerto, prelego pri pieda turismo en la ĉemara regiono de Kaŭkazio.

Antaŭ la partoprenontoj koncertos muzika grupo de la soĉia E-klubo.

Paralele kun la aranĝo okazos rapidkursoj por soĉianoj kaj gastoj de la urbo. Tiujn gvidos Abdurahman Junusov (Maĥaĉkala).

Estas planate organizi ekspozicion en la Kulturdomo pri "Praktika utiligado de E-to" . Viaj ekspoziciaĵoj bonvenas: fotoj, suveniroj, gazetartikoloj k.t.p. pri kontaktoj kun alinacianoj, ĝemelurbaj rilatoj, partopreno en Internaciaj aranĝoj ktp.

Ĉiuj gastoj estas petataj informi la organizantojn pri la dato, tempo kaj transporto de la veno.

Ni renkontos vin!.

!!! Venantoj unue registriĝu kaj ricevu enloĝigan karton en la Kulturdomo - ul. GORKOGO, 85, RDK(Rajonnyj Dom Kultury), tuj post la Busa Stacio, kontraŭ milicejo, duetaĝa domo.

La 27-an de oktobro ekde 8.oo tie deĵoros esperantisto (kun samovaro, bakaĵoj, buterpanoj ktp).

La loĝloko: hotelo "Cirko' str. Deputatskaja 9 "B" (loĝtempo komenciĝas kaj finiĝas je la 12.oo) Atingebla de la stacidomo direkte al stadiono per buso NN: 1, 3, 21, 22, mikrobusoj NN 1, 3,21, 23. 83, 95 kaj aliaj direkte al stadiono. (ĝis haltejo "Svetlana").

La loĝkostoj - tri variantoj:

1. En ĉambro kun 5-6 litoj sen oportunaĵoj (akvo, necesejo, duŝo -en koridoro) 120 rubloj por unu nokto por unu persono.

2. En ĉambro kun du litoj kaj lavabo (necesejo kaj duŝo en koridoro) - 250 rubloj por unu nokto por unu persono.

3. Duonlukso: ĉambro ĝis tri litoj kun ĉiuj oportunaĵoj(varmakvo, duŝo necesejo) - 1200 rubloj por tuta ĉambro.

La maro tre proksimas. Nutrado - memstara. Dezirantoj povos plilongigi sian restadon ĝis vintro.

Utilaj adresoj:

Reta: laro @ sochi.ru

telefonoj:

Vladimir Bespalov: hejma: 8622/62-13-47, portebla: 8.918.101.55.90;

Natalia Olejnikova hejma 8622/ 62-73-08, portebla: 8-918-208-14-22;

Tatjana Davidova hejma 8622/ 92-50-04,

Marina Ŝestakova portebla : 8-918-103-63-21.

Poŝta adreso: Esperanto-klubo "Laro", 354000 Sochi, abonkesto 913.

Aliĝintoj (2)



aktuala kalendaro     listo de pasintaj eventoj

Supren

La paĝo estis montrita 4389-foje


REU.RU, 2010
Programita kaj aspektigita de Andrej Grigorjevskij