Novaĵoj: Registraĵoj de Esperanto-Forumoj

Kalendaro: VER-19, TEMoj-2024, RET-2024...

Pri REU

Kluboj kaj grupoj

Dokumentoj

Biblioteko

Kolekto
de A. Sidorov

REGo

Kontaktoj

Membriĝu!

Persona spaco

RUSIAJ ESPERANTO-TAGOJ - 2018 (RET-2018)

Ĉi somere nin atendas ĉarmega, ekologie pura pitoreska loko apud la antikva mezrusia urbo Ŝuja (317 km nordoriente de Moskvo). RETon -2018 gastigos eksa bieno de la loka negociisto Ivan Neburĉilov, kiu konstruis ĉi domegon ĉe la bordo de la rivero Teza en la arbaro por sia edzino antaŭ kelkdekoj da jaroj. Dum 70 jaroj en la bieno lokiĝis orfejo, nun ĝi apartenas al privatulo, multo ŝanĝiĝis, tamen la ĉefa domo ĝis nun ekzistas. Surteritorie oni konstruis gastdometojn, estas laŭboj, banejo , kafejo, ktp. La teritorio estas sufiĉe granda kun aliro al la rivero. Belegaj tiliaj aleoj memoras ankoraŭ la unuan domposedanton.

Dum RET krom kutimaj programeroj: E-kursaro, prelegaro, koncertoj, diversaj artaĵoj kaj gajaj vesperoj, literaturaj programeroj, ktp. planatas allogaj duontagaj kaj tuttagaj eksursoj al antikva urbo Ŝuja kun vizito de kelkaj muzeoj, naskiĝ-kaj loĝlokoj de Konstantin Balmont, vingustumado en fama vodkofabriko “Ŝujskaja vodka”, promeno tra malnovaj stratetoj de la kvieta urbo, kiu aĝas pli ol 500 jarojn. Ni vizitigos al vi mondfame konatan vilaĝon Paleh - centro de laka miniaturo kaj ikonoj. Ni iros al u. Ivanovo por ĝui solan en la lando muzeon de ŝtofoj kaj dezirontoj vizitos domon de Cvetaeva-familio. Je kelkaj kilometroj de nia RETejo troviĝas funkcianta vira Nikolo-Ŝartoma monakejo, kiun eblos vidi kaj konatiĝi kun vivo de pli ol 100 monakoj.

Datoj: 01-09 de julio 2018.

Kondiĉoj: du- kaj trilokaj ĉambroj en gastdometoj. Laŭbezone oni lokigos nin en la malnova biena domo, po 6-8 homoj enĉambre. Estas kelkaj ĉambroj kun 2-lokaj familiaj litoj.

Prezoj: 1200 rbl pro persono/diurno, inkluzive matenmanĝon. Tagmanĝo+vespermanĝo = pagatos aparte kaj kostas 500 rublojn.

Aliĝkotizo: por REU-membroj 1200 rbl, por nemembroj 1500 rbl. Bonvolu pagi al la kasisto de REU Aleksandro Lebedev samtempe mesaĝante vian nomon kaj vortoj “RET-kotizo por…” Limdato por aliĝo estas la 15 de majo. Poste la aliĝkotizo plialtiĝos je 100 rbl por ambaŭ kategorioj.

Pagmanieroj: http://reu.ru/paghoj/pagmanieroj_eo.html

Aliĝilo: https://docs.google.com/forms/d/1_YezOKf8RyFwBUKCI6IpNGk5oMEtCCET7T7wgHK34yE/viewform?edit_requested=true 

Kontribuantoj por la programo kaj diversaj ideoj, proponoj bonvolu skribi al Nikolao Gudskov nikolao@yandex.ru kaj Svetlana Smetanina svsmetanina@yandex.ru

Bonvenon, bonvenon, bonvenon!

Rigardi liston de aliĝintoj