Esperanto      По-русски StartoKalendaro
Kara gasto, ĉu vi ŝatus ensalutiregistriĝi?

Novaj kontribuoj

pdf Provizora regularo pri la fonduso de REU «Subteno de laboro pri la vortaro de B. Kondratjev»

pdf broshuro_por_ret.pdf

pdf Bulteno de REU Septembro 2017

Atentindaj paĝoj

Положение о членских взносах в 2016 году

Kotizoj por 2017

Lingva Festivalo: preparado kaj okazigo. Video-prelego de Aleksandr Blinov

Pagmanieroj favore al REU

Заплатить взнос в РоСЭ

Ligiloj

FORUMO: Pri Rusia Esperantista Unio

Libroj en Esperanto, pri Esperanto, por esperantistoj, krokodiloj kaj aliuloj

Vortaroj de Boris Kondratjev

historio.ru - Historio de rusia E-movado

Ural-Siberia E-Movado

Koresponda Servo Universala

Kantaro-Vikio

Multlingva Informa Reta Centro

Retejo de UEA

Kalendaro

aktuala kalendaro     listo de pasintaj eventoj

2006

Aŭgusto

RET-06
Rusiaj Esperanto-Tagoj
2006-08-12/19

Rusiaj Esperanto-tagoj

Ĉi-jare RET kaj OkSEJT pasos en la sama bazejo, sinsekve unu post la alia. Unue pasos RET, ĝi komenciĝos la 12-an de aŭgusto kaj finiĝos la 19-an matene. En la sama tago posttagmeze startos OkSEJT, kiu daŭros ĝis la 26-a de aŭgusto.

LOKO

La bazejo situas apud Volĵskij (Volgograda regiono) ĉe rivero Aĥtuba. 50 km for de Volgograda urbocentro. 15 km for de urborando de Volĵskij. 20 minutoj de irado for de bushaltejo.

Variantoj atingi bazejon:

  1. De Volgograda stacidomo per elektrotrajno al fervoja stacidomo de Volĵskij (la horaro de la elektrotrajnoj estas konsultebla ĉi tie: http://www.volgadmin.ru/new_rus/main.asp?id=125&idext=3 - nur la trajnoj, kiuj iras direkte al finstacio Trubnaja). De tiu punkto startas intinera buseto 111 Volĵskij-Kalinin, indas uzi ĝin kaj elbusiĝi en vilaĝo Krasnyj Sad. Kaj poste perpiede ĝis bazejo.
  2. De Volgograda stacidomo per buso (123) aŭ itinera buseto (123, 223) al Volĵskij. Bedaŭrinde busoj kaj busetoj ne veturos ĝis la stacidomo de Volĵskij. Pro tio indas elbusiĝi ĉe haltejo “Ploŝĉadj Lenina”. Kaj tie kapti itineran buseton 111 Volĵskij-Kalinin, elbusiĝi en vilaĝo Krasnyj Sad. Kaj poste perpiede ĝis bazejo.

Veturado per 111 buseto kostas 20 rublojn. Buseto veturas proksimume du fojojn hore. De Volĵskij – komence de 7.00 ĝis 19.30, komence de Krasnyj Sad – de 7.00 ĝis 20.00.

La skemo

skemo
skemo

Signifoj:

blua sago - Itinero de la 111-a buseto.

verda sago - Via vojo por atingi la bazejon.

Asfaltita (betonita) vojo.

- - - griza strieca linio - grunda vojo.

Orientiloj:

Ruĝa domo ĉe haltejo.

Senĉesa vendejo “Krasnyj” apud haltejo.

Rimarkinda domo kun verda tegmento

La ruĝaj numeroj sur la skemo indikas la lokojn, kie estis faritaj la sekvaj fotoj, prezentitaj en la fotogalerio pri atingado de la bazejo.

LOĜKONDIĈOJ

Oni loĝos en kvar- kaj kvinlitaj dometoj (ĉiu dometo havas fridujon). Oni ankaŭ rajtos loĝi en propraj tendoj. Entute estas ĉirkaũ 80 lokoj por la loĝado en la dometoj. Sed ni devas mendi ĝin anticipe. Pro tio prefere aliĝu pli frue. Funkcias duŝejo, sportplacetoj, kuirejo. Kontraũ aparta pago eblas uzi banejon, bilardon, tablan tenison ktp.

MEDIO

Aŭgusto estas bela sezono en Volgograda regiono - kutime jam finiĝas freneziga somera ardo (ĝis 40 gradoj en julio), abundas la plej bongustaj rusiaj akvomelonoj kaj ceteraj fruktoj/legomoj. Pluvoj tre maloftas, noktoj varmas - do, oni ne timu tendumadon, sed prefere ŝparu per ĝi.

MANĜOJ

La traktadoj pri tio daŭras, kaj ni esperas, ke la manĝado estos organizita. Kuirejo ekzistas, kaj nun ni serĉas kuiriston. Alikaze ni kune surloke serĉos oportunan manieron – la nutraĵaj vendejoj ne malproksimas.

PREZOJ

La loĝado kostos

  • ĉirkaŭ 150 r. tage surlite en dometo
  • kaj ĉirkaŭ 25 r. tage en tendo

MANĜOJ

Antaŭvideble ĉ. 120 rub. tage.

ALIĜKOTIZOJ POR RET

Aliĝdato
Ĝis 30.06200
Ĝis 31.07300
Surloke400

ALDONE:

Infanoj ĝis 10 jaroj partoprenas senpage. Se vi estas REU/REJM membro vi havas rabaton 50 r.

La aliĝdato estas kalkulata laŭ la dato, kiam estos sendita la antaŭpago – 100 rub al la adreso 400064, Volgograd, Riharda Zorge, 46-122, Kaŝirinu Alekseju Vladimiroviĉu. 400064, Волгоград, Рихарда Зорге, 46-122 Каширину Алексею Владимировичу.

Aliĝilojn sendu: Paperpoŝte al: 400040, Волгоград, пр. Металлургов, 76-137. Краснокутскому Анатолию Викторовичу Aŭ retpoŝte al: tolikkk@interdacom.ru

PROGRAMO DE RET

La temo de RET estos “Kluba agado”. Oni praktikos pri kluboj kaj serioze kaj lude. La partoprenantoj kreos proprajn provizorajn E-klubojn kaj aktivos en tiuj. Kadre de RET okazos raport-reelekta konferenco de REU – tial parto de tiuj scioj tuj povos esti uzita praktike. Ekzemple por la elektoj de la nova estraro kaj formado de la labordirektoj por la nova agada jaro.

Aliĝintoj (25)
Novaĵoj (3)



aktuala kalendaro     listo de pasintaj eventoj

Supren

La paĝo estis montrita 4550-foje


REU.RU, 2010
Programita kaj aspektigita de Andrej Grigorjevskij