REU.RU: Kalendaro

Kalendaro

aktuala kalendaro listo de pasintaj eventoj

2016

Julio

KET
Krimeaj Esperanto-Tagoj
2016-07-12/20

Bonvolu legi du informleterojn de KET-2016!

— Informletero 1 (aprilo) —

Tempo:

KET okazos inter 12 kaj 20-a julio 2016, post BET en Litovio (2-10.07) kaj antaŭ UK en Slovakio (23-30.07).

Dezirantoj ripozi en Jalto pli longe povos ekloĝi en la komunloĝejo pli frue kaj resti post la tendaro.

Loko:

Komunloĝejo de Jalta Komerc-Ekonomia Kolegio, kie en aŭgusto 2012 okazis 85-a SAT-Kongreso kaj en julio 2013 IJK-postkongreso en kadroj de "Velura Sezono-16"

Adreso:

Стахановская ул. 13, общежитие, Массандра, Ялта, Россия

Loĝado:

en blokoj kun necesejo kaj duŝejo: 2 ĉambroj 2-lokaj kaj 2 ĉambroj 3 aŭ 4-lokaj. Kosto de loĝado por unu persono estos ĉ. 300 rubloj tage (la plej malmultekosta en Jalto julie).

Manĝado:

Rigardu Informleteron 2

Programo:

E-kursoj, Somera universitato, Arta programo, Rondaj tabloj, ekskursoj, kontribuoj de la partoprenontoj.

En Somera universitato prelegos Jefim Zajdman, Paŭlo Moĵajev, Lóng Zhāng, Red Meltzer, Tatjana Loskutova, Vladimir Bespalov, A. Nistratov

Skiza tag-horaro

8—9	Matenmanĝo
9—10	E-kurso (Svetlana Smetanina)
	Somera universitato (resp. Paŭlo Moĵajev, Jefim Zajdman)
10—18	Ekskursoj (resp. Jelena Snigirjova), tagmanĝoj surloke
10—15	Turista marŝo al Massandra palaco (resp. Marjam Nizamutdinova)
	bileto al la palaco 300r
15—17	Prezento de Klubo de historia rekonstruo(resp. Anastasia Luborosceva).
10—18	Turista marŝo al Botkin-pado (resp. Marjam Nizamutdinova)
	Buseto — 40 rub.
18—19	Vespermanĝo
19-30— 22-30	Koncertoj de Paŭlo Moĵajev, Vladislav Bondarjkov, Mikaelo Povorin
	Barda vespero (resp. Jefim Zajdman)
	Poezia vespero de Ludmila Novikova
	Jalta teatro de miniaturoj (resp. Jefim Zajdman)
	E-kantoj (resp. Jefim Zajdman, Ludmila Novikova)
	Interpretista konkurso (resp. Vladimir Minin)
	Butiko
22-00— 22-30	Teumado ĉe samovaro kun vesperaj fabeloj (resp. Anĵela Belenko)
22-30	Gufujo: surtablaj kaj intelektaj ludoj, filmoj
	Komuna vespero

Ekskursoj:

— Ekskurso al Voroncova palaco kaj parko en Alupka

Buso — 180 rub., bileto al la palaco — 300 rub.

— Ekskurso al Sebastopolo kaj Balaklavo

Buso — 350-400 rub.,

En Sebastopolo senpaga vizito al Hersones, en Balaklava bileto al la muzeo 200 rub., mara promenado per skutero 350 rub.

— Ekskurso al Livadia palaco kaj parko kaj tuj posta vizito en Jalto al Krimea ekspozicio-foiro ”Mondo de gemoj”

Buseto — 40rub., bileto al la palaco — 350 rub.

— Ekskurso al kaverno “Emine-Bair-Ĥosar” sur monto Ĉatir-Dag.

Buso — kosto dume ne klaras. Bileto al la kaverno — 400, 450, 500r depende de la vojlongeco profunden.

Preskaŭ ĉiuj ekskursoj inkluzivos viziton al eksterurbaj plaĝoj kun pli pura mara akvo. Kiuj ne partoprenos iun ekskurson, povos viziti mem iun el urbaj plaĝoj (senpagaj). Elekto kaj pripago de la ekskursoj okazos surloke dum registrado. Vi rajtos partopreni la ekskursojn sen viziti palacojn.

Aliĝkotizo:

Bonvolu sendi la aliĝkotizon al jena adreso:

298604, Россия, Ялта, ул. Украинская, 1-11, Зайдману Ефиму Семёновичу

(298604, Rusio, Jalta, str.Ukrainskaja, 1-11, al Zajdman Jefim Semjonoviĉ)

ĝis la 1 de majo = 500 rubloj, por gejunuloj (antaŭ 31 jaroj) — 200 rub.

ĝis la 1 de junio = 600 rubloj, por gejunuloj — 300 rub.

surloke = 700 rubloj, por gejunuloj — 400 rub.

Eksterlandanoj pagas surloke 700 (400) rublojn.

Loĝado pagendos surloke.

Al KET ni invitas esperantistojn el Rusio, Ukrainio, Belorusio kaj aliaj landoj.

Ĉar ĉiuvespere funkcios Butiko, la partoprenontoj povos kunpreni librojn por la vendo.

Malgraŭ tio, ke la aranĝon preparas Krimea E-centro, ni bonvenigas alialandajn esperantistojn partopreni preparadon kaj eĉ organizadon de la aranĝo.

— Informletero 2 (junio) —

1) Studenta manĝejo ne laboros julie. Anstataŭ ĝi eblos mendi malmultekostajn manĝojn de privataj kuiristoj, kiuj liveros ilin al la komunloĝejo por ni. Maten- kaj vespermanĝo kostas 150 rub., tagmanĝo — 200 rub.

2) Se vi alflugos Simferopolon, vi povos uzi trolebuson aŭ buson ĝis Jalto apud la flughaveno.

Trolebuso 55

De la flughaveno:
7:29 8:49 10:09 11:29 12:49 14:09 15:29 16:49 18:09 20:09.

La bileto ĝis Jalto kostas 129 rub.

Eblas ankaŭ veturi ĝis busa haltejo ĉe fervoja stacidomo kaj de tie veturi 2,5 horojn per trolebuso 52 aŭ 2 horojn per buso. Trolebusoj kaj busoj de tie veturas tre ofte.

3) Se vi veturos al Jalto per unueca bileto trajne-buse, vi ne bezonos ies helpon, ĉar je ĉiu ŝanĝo de veturilo oni renkontos vin kaj akompanos.

4) Elbusiĝu (eltrolebusiĝu) ĉe haltejo Massandra. De tie promenu piede ĉ. 15 minutojn ĝis la komunloĝejo aŭ transiru subtere al alia flanko de ŝoseo kaj iru iomete direkten al Jalto ĝis haltejo, de kiu veturu per buso 100 aŭ buseto 3 ĝis vendejo «Соседи» (“Sosedi”). La komunloĝejo apudas, adreso Staĥanovskaja, 13.

Se la buso estos tre granda, ĝi ne haltos ĉe Massandra, sedliveros vin al Jalta aŭtostacio. De tie uzu buseton 3 aŭ buson 100.

+79787406663 (Jefim Zajdman) jefim_z@mail.ru

Aliĝintoj (55)

aktuala kalendaro listo de pasintaj eventoj

Supren

Atentindaj paĝoj

Ligiloj

Kalendaro

2016